Poesia del Ben di morti

'L ben di morti
di Enzo De Fazio
(Prima classificata al premio Alfonso Crudeli 2007)

Al cuminzav prest la me Nò!
'N zà da setembra...
P'rcos al tocav r'sparmiar , p'r poter dar.
E cussì ogni di, p'r pù d'un mes
al parev d'es'r d Quaresima, quel po' che aier
al tocav spartir'l...Con chi i nier pù.

Ma 'l dò d Novembra !...Che sudisfazion!
'L tavulin dla cuzina mis sul marciapè lungh la via
se al piovev, a sost sot a un teraz.
La tovaia d lin, quela bona, del cored, con le letre a l'uncinet
e le franze, squasi a strusar la via.
'L servit d piati da la festa, con 'l bord tut dorat
e i vasoi pien,fin a d'orl, d'ogni grazia d Dio.
Pomi, badoti, castagnazi, ricota fresca, e po'...
E po' quel che a noialtri fanti'ans tocav mai, na boza squasi piena!
D Marsala a d'ov. Che bontà! Servita 'n ti biceri
lunghi e streti che p'r un an, i stev'n 'n v'trina a far nient.

"Ven Marcè, bev a la salute d me pà, e te Rodò pi un
badot p'r me mà." Al dizev la me Nò a queli che i pasav'n.
Al parev squasi che so pà e so mà i fus'n 'n cà
e non morti da pu d trent'ani.
Fina a che adè campata , ogni an 'l dò d Novembra
al dev "'L ben di morti" A tuti queli che i pasavn.
Amici e nemici...
"P'rcos" Al dizev "P'r la Signora col falzon a sian tuti uguali!
A doventan tuti lotam,a n serv'n a nissun le bele tombe!
P'r onorar i morti... Al toch dar ai vivi!"

dal sito www.paroledimarmo.it

Il Ben di morti a Castelpoggio (per saperne di più)

Comments

[Scritto da: Elisa]

P'r onorar i morti... Al toch dar ai vivi!" Sagge parole... Bellissima poesia!!!